Səhiyyə Nazirliyi Saatlı Tibb Kollecində tələbələr arasında narkomaniyaya qarşı təbliğat və maarifləndirmə işlərini gücləndirmək məqsədilə tədbir keçirib. Tədbirin əsas məqsədi gənclər arasında narkotik vasitələrin zərərləri haqqında məlumatlandırma səviyyəsini artırmaq və onların bu zərərli vərdişlərdən uzaq durmalarını təşviq etməkdir. Görüşdə narkotik vasitələrin fəsadları, asılılığın nəticələri, eləcə də bu kimi halların qarşısını almağın vacibliyi haqqında geniş məlumatlar verilib. Tədbirdə tələbələrin sualları cavablandırılıb və müxtəlif məlumatlandırıcı materiallar paylanıb.